Que vén Kokolka

A cidade de Vilanova de Amarante, sumida sempre en silencio e nunha cotiá e gozosa melancolía, espera a chegada de Kokolka, antigo príncipe nórdico, coa finalidade de levala consigo para ampliar a súa colección particular aló nas súas frías e venteadas terras. Leandro, o protagonista desta historia, intentará descifrar os sinais que evidencian a súa chegada e, a través dos soños e do amor por Caterina, frear a destrución de todo un mundo.Novela de formación, Que vén Kokolka! pretende ser, ante todo, unha homenaxe á literatura de pura fabulación e reivindica, através da forza da palabra, a importancia de ser fiel a un mesmo e a un territorio.